tumash (tumash) wrote,
tumash
tumash

Танэльшчык з Дубая прапаноўвае пабудаваць танэль праз Дняпро ў Магілёве

The Greenwich Foot Tunnel - пешаходны танэль у Лондане, пабудаваны пад р. Тэмзай. Танэль мае даўжыню 370 м, унутраны дыяметр 2,74 м. Адкрыты ў 1902 годзе.

***
У 2019 годзе ў Магілёве гарадскія ўлады анансавалі ідэю - Задняпроўе ў раёне гасцініцы "Турыст" і новы парк у Падміколлі павінен злучыць пешаходны мост.
Але, як вядома, найлепшы мост - гэта танэль. Сам я з 2012 года будую танэлі ў розных кутках нашай планеты. Таму паспрабую паразважаць на гэтую тэму.

Дысклэймер! Да напісана ніжэй не трэба ставіцца вельмі сур'езна - гэта проста спроба паглядзець на магчымасці развіцця гарадской інфраструктуры пад альтэрнатыўным вуглом, зазірнуць за гарызонт.

***
Адлегласць ад аднога берага да іншага у Магілёве, з улікам магчымасці пабудовы стартавага і прыёмнага катлавана складае 200 м. Гэта амаль у два разы менш, чым у пабудаванага ў 1902 годзе Грынвічскага танэля. Брытанцы здолелі ў 1902 - мы здолеем у 2021!

У ідэале было б трошкі павялічыць памер унутранага сячэння. Лічу, што мэтазгодна спыніцца на дыяметры 3,0 м. Гэтага дастаткова для прахода пешаходаў у сустрэчным накірунку. І, як можна пераканацца на фота з Лондана, дастаткова для перамяшчэння ведасіпеда ці каляскі (веласіпедыстам давядзецца спешыцца).









Плюсы танэля
Па-першае,
танэль не перашкаджае навігацыі па рацэ.

Па-другое,
стратэгічнае значэнне. Усе памятаем карцінкі з гісторыі: другая сусветная вайна, масты разбураныя - камандзір батальёна Фацін фарсіруе Дняпро. Масты з'яўляюцца першай цэллю і першым аб'ектам знішчэння. Танэль разбурыць не так проста.


1944 г.

Па-трэцяе,
танэль не бачны, ён знаходзіцца пад паверхняй ракі. І знакамітым беларускім архітэктарам не атрымаецца сапсаваць сваім творам гарадскі пейзаж.


Мост праз Свіслач у Мінску: чаканні і рэальнасць (c) «Минск-Новости»

Па-чацвёртае,
гэта проста крута. Калі будзе дадатковае пажаданне - можна запусціць мініяцюрны цягнік. Тады ў Магілёве будзе сваё метро, якое будзе складацца з дзвюх станцый.

Па-пятае,
і тут я паспрабю вас здзівіць. Нам трэба не адзін танэль - а, каб два разы не ўставаць, нам трэба два танэлі праз Дняпро! Адзін, як мы і разважалі, пешаходны, а другі - сервісны. Гэта будзе танэль, у якім у будучыні можна будзе пракласці камунікацыі з правага берага на левы: вадавод, кабелі сувязі і інш. Інфраструктурныя калектары - гэта перспектыўны напрамак у будаўніцтве танэляў, які зараз імкліва развіваецца ў свеце. На правым беразе, напрыклад, знаходзіцца гарадскі вадазабор, а на левым - вялікі жылы масіў.





**
Паспрабуем накідаць Тэхнічныя параметры:
- Пад Дняпром будуць праходзіць два паралельныя танэлі: пешаходны і сервісны.
- Унутраны дыяметр абодвух танэляў - 3,0 м.
- Пачынацца танэль будзе каля помніка Воінам-інтэрнацыялістам і сканчацца на супрацьлеглым беразе Дняпра.
- Глыбіня залягання - 6,0 м ад ніжняй кропкі дна ракі.
- Глыбіня стартавай камеры (Задняпроўе) - 19 м, фінішнай камеры - 17,5 м.



- Доступ пешаходаў: па прыкладзе Грынвічскага танэля па перыметры будзе арганізавана вінтавая лесвіца, а па цэнтры ліфт павышанай грузападымальнасці - да 35 пасажыраў. Па магчымасці - выкарыстаць ліфт айчыннай магілёўскай вытворчасці.


(с) www.architectsjournal.co.uk

- Разліковы тэрмін службы танэля без капітальнага рамонта - 100 гадоў.
- Кошт пабудовы аднаго танэля - $2,323,000. Двух танэляў - $3,098,000 (эканомія за кошт маштабу і разгортвання).
- Падрадчык, вядома, павінен абірацца на конкурснай аснове. Але і ў Беларусі ёсць кампанія БелТрубаправодБуд, якая спецыялізуецца на пракладцы мікратанэляў. Героі нашага часу, адны з сусветных піянераў тэхналогіі direct pipe - яны праклалі самы вялікі ў Еўропе мікратанэль дыяметрам 1220 мм і даўжынёй 1409 м метадам direct pipe пад р. Дунай у Сербіі.



Дзе ёсць падобныя танэлі?
Прыклад 1
Кабельны калектар у Маскве пад Масква-ракой, рэалізаваны ААТ "Трансстройтоннель-99" у 2005 годзе. Працягласць танэля - 231 м, дыяметр 1,2 м. Глыбіня залажэння калектараў ад 3,5 да 7 м пад рэчышчам ракі і ад 7 да 13,5 на берагавых участках. Танэлепраходчы комплекс нямецкай вытворчасці Herrenknecht AVN-1200.



Стартавая камера глыбінёй 17 м і габарытамі 6 м па восі танэля і 8 м шырынёй падубаваная з прымяненнем бурасякучых свай (secant pile wall) дыяметрам 630 мм.
Падрыхтоўчыя працы пачаліся ў пачатку лютага 2005. Будаўніцтва камер, праходка двух мікратанэляў па 230 м кожны, узвядзенне пастаянных канструкцый і ўсталяванне інжынерных сістэм было скончана ў лістападзе 2005. Усе працы занялі 9 месяцаў.


Катлаван з прымяненнем бурасякучых свай. Доха, Катар. Фота аўтара.

Прыклад 2
Дубай, дзе пракладзеныя два сервісныя танэлі даўжынёй 750 м кожны. Танэлі пракладзеныя з мацерыка да астравоў Пальм Джумэйра. Унутры танэляў усталяваныя магістралі для электрычнасці, кабеляў сувязі і вадавода.
Машына - Herrenknecht AVND2500AH дыяметрам 3600 мм.

Прыклад 3
Ленінградская вобласць. Тут 250-метровы мікратанэль дыяметрам 2,0 м пад Сайменскім каналам. Прызначэнне танэля - калектар для трубы газаправода. Праект рэалізаваны ў 2010 годзе ААТ "Метрострой" пры дапамозе мікратанэле-праходчага комплекса Herrenknecht AVN-2000D

***
У заключэнне
Мікратанэлі пад вадой - гэта адзін з найбольш імкліва развіваючыхся накірункаў танэліравання. Падобныя аб'екты рэалізоўваюцца і за мяжой, і ў краінах СНД.
Лідэрам у галіне вытворчасці машын з'яўляецца нямецкая кампанія Herrenknecht, якая можа вырабіць шчыт патрэбнага дыяметру. Акрамя таго, даступны рынак б/у машын.
Беларускія кампаніі Белтрубаправодбуд і Мінскметрабуд маюць экспертызу для ажыццяўлення будаўнічых прац.


Мікратанэльны шчыт Herrenknecht у Дубаі. Фота аўтара


Унутраны дыяметр гэтага танэля - 3,0 м
***

Лірычнае
Лонданцы любяць свой танэль. А мы можам стварыць у Магілёве найцікавейшы аб'ект, які праслужыць нам 100 гадоў, будзе несці турыстычнае, рэкрэацыйнае значэнне. Наяўнасць другога сервіснага танэля спросціць магчымасці пракладкі камунікацый.

(с) urbansketchers-london.blogspot.com
Subscribe

Recent Posts from This Journal

  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 8 comments